Liphezulu Izinga Lokukatwa kwabantu Bengubo Nokutlhoriswa Kwabentwana EsiFundeni SeMpumalanga
MKHOZI
NgeLesithathu mhlaka 23 kuKhukhulamungu 2026
Zimbi iindaba esiFundeni seMpumalanga,njengombana kubikwa bonyana ngelanga kukatwa abantu bengubo ababunane ngokweembalobalo ezikhutjhwe mhlapha nje. La kukhulunywa ngabantu bengubo abakatwa njalo ngelanga, ukufaka hlangana nabentwana abatlhoriswako ngendlela yokubakhahlumeza.
Koke lokhu kwenzeke ngesiquntu sokuthoma somnyaka ka-2026. Iimlandu yokukata esikhathini esinengi iyafihlwa emndenini,ayivezwa njengombana kunezizathu ezithize zalokho. Eminye imindeni iyafihla ngombana lo ekuthiwa nguye okatileko, kusuke kunguye obeka uburotho etafuleni nakubotjhiswa yena bangalala ngetjhirho bangakagomi.
UBhrigadiya Donald Mdluli wesipholisa esiFundeni seMpumalanga uthi imindeni kufanele ingafihli izinto ezinjengalezi,kodwana azibikwe emapholiseni. Kuyavela bonyana babalelwa emakhulwini asithandathu namatjhumi asithandathu nobunane(668)abantu bengubo abakatwe ngesiquntu sokuthoma somnyaka lo ka-2026.
Endabeni le engehla kukhulunywa namkha kubikwa ngesiFunda seMpumalanga sisodwa kwaphela. Lokhu kutjho bonyana nange kufakwa iimbalobalo zezinye iimFunda ezibunane lokho kungatjho bonyana seyinarha yoke. Bumbi ubujamo babantu bengubo eSewula Afrika. Mva nje kutholakale kubulawe bengubo abanengi esiFundeni seGauteng,ngaphandle nje kwendaba yokukata. Umthombo weendaba: STATS SA
////////////////////////////////////////////////////////////////////////////////////////////////////////////////////////