MKHOZI

NgoMvulo Mhlaka 12 kuSewula 2026

Ngemva kobana iKhotho yoMthetho-Sisekelo ikhuphe umyalo bonyana uNgqongqotjhe wezeKhaya uDorhodera Schreiber akanikele amaphandle angenamvumo yokuba la eSewula,awanikele imvumo yokubhaca namkha yokubabaphalali enarheni le. Lokho kwenze bonyana amaSewula Afrika avukwe madlharuma ayokubetha isithabalala emakhiweni weminyango yezeKhaya eSoweto,eThekwini,neMarabastadi.

Kuthiwa indaba ithome eThekwini ngevekephelileko la amadoda bekatjhagala khona,atjhagalela ukutlhoriswa nokubulawa kwabengubo nabentwana. Amadoda la wehostela batjho athe nasele ajoyina iwoma labantu bamaSewula Afrika elenze isithabalala emakhiweni wezeKhaya,la amaphandle asemjejeni wokufuna imvumo yokubasenarheni le. Khonapho iimbiko iveza bonyana omunye wamaphandle usukele umSewula Afrika wamdula kabuhlungu bewabhalelwa nakukhamba.

Indaba ithome lapho ke,la amaSewula Afrika avukwa madlharuma batjho basilingwe khulu yindaba le yokunikela amaphandle angekho emthethweni imvumo yokuhlala ngokomthetho enarheni.  Kuthome lapho ke kwatjhiswa iimodoro ku-West Street eThekwini ezibalelwa ku-14. Khonapho yasuka ne-SOWETO la kugcinwe kusatjhiswe khona iimodoro eziyi-10 sezizoke ziyi 14 iimodoro ezitjhisiweko ngobusuku bunye bangeLesine sevekephelileko. Koke lokhu kwenzeka egameni lamaphandle angenamvumo yokuba senarheni le.

Isenzo sikaRhulumende seKhotho yoMthetho-Sisekelo sense bonyana iinhlangano ezibeka amaSewula Afrika phambili, bonyana zizibuze imibuzo eminengi ngoRhulumende weSewula Afrika ongathandi abantu bakhe,kodwana obeka amaphandle phambili. Abanye bezwakale bazibuza imibuzo ethi kwakhe kwenzeka kuphi la abantu abafike ngaphandle kwemvumo bangabotjhwa,kodwana kunobana babotjhwe banikelwe imvumo yokuhlala ngokomthetho enarheni leyo.

Amapholisa we-Metro nawomBuso khenge alale ahlale ubusuku boke agade ukuvuka kwenye irawurawu. Kubonakele bonyana amaSewula Afrika mbala seladiniwe maphandle ukuzala kwawo enarheni yeSewula Afrika. NgeLesihlanu sevekephelileko bekudu!,emakhiweni womNyango wezeKhaya njengombana umBuso usajamise ihlelweli lokunikela amaphandle angenamvumo imvumo yokuhlala enarheni le ngokomthetho.

////////////////////////////////////////////////////////////////////////////////////////////////////////////////////////