MKHOZI

Mkhozi Namba Skhambe NgoSonto 23 KuRhoboyi 2026

Steve Tshwete: Kwanjesi kusemthethweni begodu kutjhatjhalazi bonyana inengi labantu abahlala eMhluzi bayazi bonyana bafunani njengombana kulalamela amakhetho waboRhulumende bemakhaya nje,kiwo umnyaka lo ka-2026 ekupheleni kwawo mhlaka 04 kuNovemba.

Ihlangano yomphakathi eyaizwa ngelokuthi yi-Hope Of Residents iyazikhakhazisa ngokurholwa nguNomzana uMike Masina. Unomzana Masina owakhe waba nguSodorobha we-Steve Tshwete uvumile begodu usavuma ukuba ngunkhethani we-Hope For Residents la azokujamela khona umphakathi we-Steve Tshwete Local Municipality.

Unomzana Masina mumuntu owaziwako ebantwini be-Steve Tshwete, khulu khulu eMhluzi ibizo lakhe aliweli phasi. Nakatjela beendaba ze-SABC uthi ufuna ukubuyisela uMaspalati lo we-Steve Tshwete endaweni yakhe la akhe abakiyo kwekuthomeni. UNomzana uMasina uthi ufuna ukuqeda ubukhohlakali obukhona kilo maspalati, nomtlhago obonakala uthwelwe mphakathi ohlala kilomaspalati.

Bekube nje,ihlangano ye-Hope Of Residents ibonakala ilithemba ebantwini be-Steve Tshwete,njengombana kwaziwa khulu ubaba uMasina njengomrholi wayo. Bayabuka tle abantu beSteve Tshwete ngesikhathi ubaba uMasina asaphethe i-Steve Tshwete Local Municipality njengoSodorobha. Kuyavela bonyana i-Hope Of Residents iyokungenela amakhetho kibo boke abomaspalati abangaphasi kwesiphande seNkangala.

Nasihlanganisa lombiko uNomzana Mike Masina umrholi we-Hope Of Residents bekamajadujadu, yena nesiqhema sakhe bazilungisela ukuyokubonana nomphakathi weMhluzi, nokubanikela umhlahlandlela abayokusebenzela phezu kwawo njengombana kubandamela wona amakhetho nje.

////////////////////////////////////////////////////////////////////////////////////////////////////////////////////////