MKHOZI

Mkhozi Namba Skhambe NgeLesihlanu Mhlaka 28 kuRhoboyi 2026

Njengombana iSeweula Afrika imajadujadu  ibhincela amakhetho waboRhulumende bemaKhaya ekupheleni komnyaka lo mhlaka 04 kuNovember 2026,namhlanjesi  lilanga lokugcina labongikhethani abazokungenela amakhetho labo njengombana kufanele balethe ngaphambili amabizwabo kuKhomitjhini eziJameleko yamaKhetho.

Nokho sekusikhatjhana iKomitjhini le yamemezela bonyana boke abongikhethani beenhlangano zombanganarha,beenhlangano zomphakathi kanye nalabo abazijameleko namhlanjesi kungeLesihlanu nakubetha isimbi yesihlanu ntambama, khibe woke amabizwabo selaphelele ema-ofisini weKhomitjhini le.

Kuyavela bonyana iKomitjhini izokuhlunga ungikhethani ngamunye ngamunye bonyana ujame njani,akanawo umlandu wobulelesi na?, umazisi namagama ngikho kuyakhambelana begodu mSewula Afrika. Nange ungikhethani angakathumeli zoke iintlabagelo zakhe,kutlhayele ezinye zakhona iKomitjhani izokuthatha ngokuthi ungikhethani loyo uthumele iimfanelo zakhe khatheso, yeke ke uzakukhunjuzwa bonyana athumele koke okuseleko.

Indabakulu kula ungikhethani  nakangakaveli ukuletha iimfanelo zakhe kwabe kwabetha isimbi yesihlanu ntambama namhlanjesi. Onjalo ke kuzokuthiwa khengavele, begodu indabakhe ayikhulunywa nokukhulunywa ngombana ngekhe afakwe erhelweni labongikhethani. Kilabo abalethe  iimfanelo zabo bahlungwa, kwatholakala bonyana mbala bafanele ukungenela amakhetho,iKhomitjhini eziJameleko yamaKhetho iyobanikela iintifikeyti bebangene erhelweni labongikhethani .

Iveke le ngeLesithathu kube nomhlangano oyipumelelo phakathi kweKomitjhani le yamaKhetho kunye nehlangano yamakhosi i-Congress of Traditional Leaders of South Africa (CONTRALESA) la iinhlanganwezi zivumelana ngegamalinye lokuthi amakhetho la waboRhulumende bemaKhaya, kuzobamakhetho atjhaphulukileko noweqiniso.

Ngesikhathi sihlanganisa lombiko iinhlangano bezimajadujadu ziphanagela.

 Ngemva kwalokhu, iKhomitjhini eziJameleko yamaKhetho izakukhupha umhlahlandlela wokuyaphambili bekufike isikhathi samakhetho.

////////////////////////////////////////////////////////////////////////////////////////////////////////////////////////