Mdlalo Wesingani Phakathi Kwe-Bafana Bafana kanye NezikaFaro NgoSonto Ebusuku
NgeLesihlanu mhlaka 2 kuSewula 2026
Cairo-Mdlalo wesingani phakathi kweBafana Bafana kanye nenarha yeGibhithe ngoSonto ebusku nge-awa yobunane etatawini lezemidlalo i-Cairo International Stadium. Lo mdlalo wesingani kodwana mdlalo omkhulu, ngombana ziinarha ezaziwako ebholweni erarhwako ye-Afrika.
Isiqhema seBafana Bafana kubonakala sizikhambela lula ephaliswaneni le-Group D, njengombana sisebujameni bokuthoma nje,ngemva kokubhudabhuda i-Erithriya ngama-5-0. Nangumswa uRelebogile Mofokeng akabukisi nje nakaqalene nepali ubuya nakusako.
Ngakwelinye ihlangothi isiqhema senarha yeGibhithe siphethwe abosaziwako ebholweni erarhwako abanjengo; Omar Marmoush we-Manchester City,Mustafa Afdel we-Pyramids FC kanye no-Mohamed Saleh odlala enarheni ye-Turkiye ukubala nje abadlali abaziwako enarheni le. Umbanduli wenarha yeGibhithe nguHossam Hossan. Isiqhema seGibhithe sizikhotha amanceba ngemva kokubuya mkhonoze ephaliswaneni lebholo erarhwako ye-FIFA eenyangeni ezidlulileko.
UPitso Mosimane kubonakala izinto zakhe zimkhambela kuhle njengombana iBafana Bafana izikhambela lula nje ku-CAF Tournament ka-2027. Ukukhamba kwaka Broos kwathabisa abalandeli abanengi beBafana Bafana nanyana bekathumba nje,begodu wathatha isiqhema wasibeka ephaliswaneni lebhigiri yephasi ye-FIFA nanyana naye wabuya msinyana nje ephaliswaneni lebhigiri yephasi le-FIFA.
Into eyenza bonyana abalandeli bangasamthandisisi umbandeli uBroos ziinkulumo zakhe ebezizele ihlabathi ngenarha yeSewula Afrika, nabadlali bakhona,begodu nangendlela bekadlalisa ngayo abadlali beBafana Bafana emidlalweni ebudisi kwamambala. Mva nje naye umbandulu uPitso ukhe wakhuluma amaganyana alumelako ngabadlali abanye be-Orlando Pirates indlela ekufanele badlale ngayo. Lokho kwenze bonyana amaSewula Afrika ahlukane phakathi,kodwana nanyana kunjalo ubonakala ayithumba imidlalo yakhe. Umdlalo lo uzabakhona kumabonwakude ku-SABC.
////////////////////////////////////////////////////////////////////////////////////////////////////////////////////////
