Iindaba

Kwakhiwa Isibhedlela Esitjha KwaMhlanga Esingekho Ngaphasi KomBuso esizijameleko

Mkhozi News July 21, 2026 11 min read

Spread the love

MKHOZI

NgeLesibili mhlaka 21 kuVelabahlinze 2026-ikhasi 1

***Isithombe esingehla litshwayo lebhodo elibonisa ukuzokwakhiwa kwesibhedlela saKwaMhlanga esizijameleko.***

**Indawo la kuzokwakhiwa khona isibhedlela saKwaMhlanga .**

Kubika uMkhozi

KwaMhlanga: Liragela phambili ihlelo likaMaspalati weThembisile lokutjhugulula uMaspalati abelidorobha. Esikhathini esidlulileko zinengi izinto ezakhulunyiswa nekufanele zenzeke ukuthuthukisa loMaspalati bonyana abelidrobha lemakhaya. Njenganje lithomile ihlelo lokwakha isibhedlela sangeqadi namkha esizijameleko ngale ngaKwaMhlanga ngaphakathi ema “ C” kuwodi 32.

USodorobha weThembisile Hani Local Municipality umhlonitjhwa eLsetja Dikgale uthi kancani kancani uMaspalati lo uzakubalidorobha. Nakakhuluma nehlelo leendaba lakwa-SABC uveze bonyana lithome ngomhlaka-15 kuVelabahlinze 2026, ihlelo lokwakha isibhedlela sangeqadi esinzinze laphaya KwaMhlanga. Ukuphela kwaso kuzabe kumnyaka ka-2028 ekuthomeni kwawo.

Indawo la sakhiwa khona isibhdedlelesi yi-ERF 308 sakhiwa yikontraka eyaziwa ngegama elithi -Spring Life. Kuvela bonyana siyokuthoma ngemibhede eyi-100 njengombana sizabe sisebenza ngendlela yeembhedlela ezizijameleko namkha zangeqadi. Ibalelwa ku-R323m imali eyokusetjenziselwa ekwakheni isibhedlelesi besiphele. Isiqhema sethu seendaba sithe nasiya emaqabazini la kuzokwakhiwa khona isibhedlelesi kwatholakala iinsebenzi neengaragara zimajadujadu zirhula indawo la sizokujanyiswa khona.

USodorobha uyayiqinisekisa bonyana endaweni yeBuhlebesizwe isithabathaba seentolo sizokwakhiwa phakathi kweBuhlebesizwe neMandlethu kuMoloto Road.” Savuma bonyana sizolakha idorobha leThembisile kancani kancani. Sizokubeka isitina ngasinye ngasinye besiqede”, kutjho uSodorobha umhlonitjhwa uDikgale.

////////////////////////////////////////////////////////////////////////////////////////////////////////////////////////

MKHOZI NAMBA SKHAMBE MHLAKA 21 KUVELABAHLINZE 2026-IKHASI 2

Umphakathi WeMalahleni Uthuthukiswa Ngamakghonofundo Wokuziphathela Iimpaza

**Isithombe: The Citizen: Zisavaliwe iintolo zeMalahleni** **ngemva kokuthi umphakathi utjhagale**

Indaba kubika uNokhethwako

EMalahleni: Kubetha ummoya omnandi eMalahleni njengombana zisavaliwe iimpaza eziphethwe maphandle eendaweni la kuhlala khona abantu bekhethu. Iiimbiko iveza bonyana nedorobha loke le-Witbank nasitlola indaba le belivaliwe kuthule du!. Kungokokuthoma bonyana uMaspalati weMalahleni abonakale abethwammoya ngalendlela ukufaka idorobha lakhe le-Witbank phakathi.

Umtjhagalo nokurhwanta okubonakele kiloMaspalati weMalahleni la kubonakele khona iinkulungwana ngeenkulungwana zabantu barhwanta bangafuni amaphandle, lokho kwenze bonyana ubujamo bube bumbi kubonakale bonyana abantu beMalahleni bancamile begodu abafuni maphandle kiloMaspalatabo.

Njengombana amaphandle abaleke atjhiya iimpaza zabo ngaphakathi kwemizi, iindawo ezinengi ngesgoga se-Witbank ngaphasi kwakaMaspalati weMalahleni, kunomraro kwanjesi. Umraro lilwazi lokuphatha iintolo ezimaspaza nemali yokustoka. Ezinye zeempaza azinastoko begodu abantu bekhethu abanalwazi lokuphatha nemali yokuthenga istoko.

Ihlangano yeTumbo Group ibekele ngeqadi imali eyi-R500 000 ukusiza labo abazokuphatha iintolo zabo zamaspaza ezitjhiwe maphandle. Ihlangano le isebenzisana ne-Tshwane University of Technology ukufaka isizo lobuchwephetjhe bonyana laba bekhethu babe namakghonofundo wokuphatha iimpaza. Okhunye okubalwako la kusiza laba bekhethu ekuphatheni, ngokuya kwe-TUMBO Group bazokufundisa abantu bekhethu abaphethe iimpaza nokulumgisa abofunjwathwako.

Omunye wabanikazi bomuzi osele nomakhiwo ongudade, uveza bonyana ngesikhathi nakafaka lo weTopiya bekangekho osebenzako emndeninakhe njengombana imali yesispaza kungiyo ekhulise umntwanakhe nje. Naye lo weTopiya nakazikhulumelako uthi iintolo zivaliwe ayikho into angayenza njengombana watjhiya inarhekhabo ngebanga lokuguruzela. “Ngatjhiya iTopiya ngebanga lepi ngeza la eSewula Afrika” kutjho uNomzana Mahummad Ahcamed.

////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabanhlinze 2026-ikhasi 3

Isiyeleliso

Iphephandaba uMkhozi liphephandaba lesiNdebele elithi nange kukhona umtlolo olumelako namkha ukukhuluma kumbi ngomunye umuntu ngaphandle kwesizathu nobufakazi, loyo muntu unelungelo lokufaka umlandu namkha isinghonghoyilo sakhe ngaloyombiko ku: Press Council of South Africa

12 Section “B’ Burnside Island, Office Park410 Jan Smuts Ave, Craighall 2196.

011-484 3618/011 484 3612.

Fax:011-484 3619.

Iposommoya:enquiries@ombudsman.org.za

Isaziso

Iinthombe ezibekwe tjhatjhalazi ku-inthanethi siyaziboleka bese siyatjho bona ziinthombe ezibolekiweko, akusizo iinthombe zethu. Ngaphandle kweenthombe zabentwana ababulanzi namkha abantu ababulanzi ngekhe sizisebenzise iinthombe ezinjalo. Iindaba zethu esizitlolako ezinye zazo ziindaba ezisepepeneneni ngokweemthombo ethembekileko yeendaba. Nakho lokho siyakuveza asikufihli nange indaba kungasiyo yethu. Iziko leendaba lisebenza njalo, ngokufaka neminye iimthombo yeendaba. Akusiwo umlandu ukubolekisa ngenye indaba namkha ukudlulisa umbiko kwelinye iziko leendaba nange umthombo loyo uthembekile. Yoke indaba namkha umbiko okungasikho kwethu siyaveza bonyana msebenzi kabani, asenzi kwangasuthi msebenzethu.

Umkhozi utloliswe njengephephandaba elitlola iindaba ngesiNdebele. Sivikela abentwana abangaphasi kweminyaka elitjhumi nekhomba, abachwalileko, iindwala, nokuveza iinthombe zabo nabangakghoni ukuziphendulela njengabongazimbi ngaphandle kwesizathu. Siyakukhandela ukuthatha iinthombe endaweni la kungakafaneli khona ngaphahndle kwemvumo. Ungathumela imibono nokuthi singenzanjani ncono ephephandabeni uMkhozi.

Siyatholakala ku:

2942 Kwagga “C”

Kenang Security Building

Empumalanga 0458.

0732068645

—————————————————————————–

Mkhozi NgeLesibili Mhlaka 21 kuVelabahlinze 2026-ikhasi 4

UmBuso Uhlongoza Bonyana Amakhotho WeSewula Afrika Azijamele

**Kungasikade azozijamela amakhotho weSewula Afrika**

UmBuso weSewula Afrika utlame uMthetho-Mlingwa ohlongoza ukuzijamela kwamakhotho weSewula Afrika. UMthetho-Mlingwa lo uthome kiwo umnyaka lo ka-2026 begodu uqalelelwe bonyana udluliselwe ePhalamende yeSewula Afrika ngomnyaka ozako. Ukuzijamela kwamakhotho weSewula Afrika ngoMthetho-Mlingwa lo, nawubamthetho kutjho bonyana amakhotho woke weSewula Afrika ukusukela emakhotho amancani, wesiphande nemaKhotho amaKhulu woke azokulawulwa Mgwebi oMkhulu uMandisa Maya.

Njenganje amakhotho weSewula Afrika alawulwa mBuso namkha asebenza ngaphasi komNyango wezoBulungiswa nokuThuthukiswa koMthetho-Sisekelo. UNgqongqotjhe womNyango lo umhlonitjhwa uMmamoloko Kubayi naye uyayifakazela indaba le bonyana ikhona, begodu kungasikade uzabe udluliselwa ePhalamende.

“UMthetho-Mlingwa lo wathoma ukusetjenzwa ngenyanga kaSihlabantangana kiwo lomnyaka begodu uzakuba sePhalamende ngomnyaka ozako ka-2026” kutjho uMgwebi oMkhulu uMandisa Maya. Lokho kuhlathulula khona bonyana iindaba zamakhotho weSewula Afrika ngekhe zisacajelwa yipolotiki, begodu ngekhe kusabalula ukubamba amakhotho ngomphimbo ngombana azabe azijamele wodwa laphaya ngokuzithathela iinqunto.

Nasele udluliselwe ePhalamende loMthetho-Mlingwa waphumelela kutjho bonyana amakhotho azakuthola isabelomali sawo kunye neensetjenziswa ezibekelwe ukusetjenziswa makhotho. Ukusebenza nokuzijamela kwamakhotho weSewula Afrika kusendinyaneni ka-165 yoMthetho-Sisekelo weSewula Afrika. Amakhotho weSewula Asebenza ngokuzijamela, kodwana igadango elifana naleli litjho khona bonyana amakhotho weSewula Afrika ayobangaphasi kwe-Office yoMgwebi oMkhulu.

////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 5

//////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 6

Ijima Elitjha Le-March and March Lithi Bakhambile Wena Useleleni Na?

***Isithombe ngesakwa IOL: Ayihlale phasi ibambe umthetho-Bakhambile wena usaleleni na?***

KwaZulu Natal: Nakakhuluma nabalandeli bakhe udade uJacinta Ngobese Zuma utjele abalandeli bakhe ngesiFundeni saKwaZulu Natal bonyana njennganje, basejimeni elitjha elithi bakhambile wena useleleni na?. Udade lo uNaNgobese wakwaZuma utjele abalandeli bakhe bonyana umzabalazo uragela phambili njengombana kusekhona amaphandle amanengi atsitsilako nazitjela bonyana ngekhe akhambe.
Uthi udade lo njengomphakathi asikhambeni singene zoke iindawo sibakhuphe la bakhona besibabuze bonyana basaleleni na?. Mva nje kubonakele amaphandle aphuma ngobunengi esiFundeni seTjingalanga Kapa kunye ne-KwaZulu Natal. Inengi lamaphandle la ngeweMalawi, Zimbabwe. Njenganje kuvela bonyana indawo yeMesina esiFundeni seLimpopo iphenduke indawo yabaphalali njengombana ayangokwanda amaphandle ahlanganyela eMesina afuna ukubuyiselwa emakhabo.
Kukhona iimbuzo amaSewula Afrika azibuza yona ngeenarha zamaphandle avela eTopiya, Phakhistani, Somaliya, Bhangladetjhi maphandle abonakala angazithswenyi ngendaba yokubuyelemakhabo. Bathule du, abanyakazi njengamanye amaphandle nakaphanagelela ukubuyemakhabo.
KwaNdebele amaphandle ngendlela angakanyakazi ngayo bekaya gadangelana siminyaminya ngamaphandle. Lokhu kufaka hlangana nezinye iimFunda ezifana la amaphandle angazitshwenyi khona ngendaba yokubuyelemakhaya njenge;Freystata,Pumalanga Kapa, Tlhagwini Kapa, Tlhagwini Tjingalanga. Abojamasikhulume bathi isiFunda seLimpopo asifuni ukuzwa ngendaba ye-March and March. Njalo ngeLesine iimFunda zeSewula Afrika ziyahlangana kube ngiyo indaba yokukhupha amaphandle.
***////////////////////////////////////////////////////////////////////////////////////////////////////////////////////////***

Mkhozi NgeLesibili Mhlaka 21 Velabahlinze 2026-ikhasi 7

//////////////////////////////////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026- ikhasi 8

Kutjhiswe Indawo Yamaphamdle

***Isithombe sokubolekwa: La kuse-Coronation eMalahleni naseJericho Street la kuhlala khona amaphandle.***

Witbank: Kutjhiswe iimkhukhu nenye nenye into namkha ipahla efaka phakathi amaphandle. Indawo yeCoronation eduze neWitbank yaziwa ngobukhohlakali oburarileko ngendlela izele ngayo amaphandle. Ebebalapho mhla kutjhiswa iimkhukhu nayo yoke into ese-Coronation bathi bowungafunga bonyana kubhujiswa iSodoma neGomora.

Inengi labantu abahlala eCoronation maphandle avela eenarheni ezihlukileko ze-Afrika. Kubikwa bonyana izinto ezenzakala kilendawo azazisi begodu benza izinto ezenziwa babantu abananembeza. Abasikibencema basibikela bonyana eCoronation kwenziwa yoke iimhlolo le ongayicabanga; kuthengiswa ngedini, ziindakamizwa nobunye ubulelesi ongabucabanga nasele kuhlangene yoke i-Afrika yaba yinye.

Bakhulumile kea bantu beMalahleni, batjho bonyana bona abasawafuni amaphandle ngombana, idorobha le-Witbank lonakele nje kungebanga lamaphandle. Akupheleli lapho,kukhona nenye indawo godu khonapho ebizwa ngokuthi yi-Jericho Street. Indawo le ekuthiwa yi-Jericho Street Kubikwa bonyana nakhona bekuyindawo yerhwebo yamaphandle avela ePhakhistani, neBhangladetjhi.

Nakhona la ekuthiwa yi-Jericho Street aqotjhwe woke amaphandle kwavalwa iintolo. Njenganje umphakathi weMalahleni uvale zoke iintolo zokurhweba ukufaka phakathi neempaza eendaweni zesgoga la kuhlala khona abantu bekhethu. Kuyavela bonyana umphakathi weMalahleni ubethwa mmoya amalangana solo kwathoma iimtjhagalo yokukhupha amaphandle.

////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 9

//////////////////////////////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 10

Kuzwakala Bonyana Iyaninwa IMarch and March ELimpopo

Kubonakala abantu besiFunda seLimpopo bangafuni ukubona amaphandle la akhambe khona, njengombana sekukhona nabajameli behlangano ye-March and March nje. Ngakwelinye ihlangothi iimbiko engakaqinisekiswa, ithi ngasuthi uNdunakulu weLimpopo uDorh,Phophi Ramathuba akayizwisisi indaba yeMarch and March esiFundeni seLimpopo.

Eenkundleni zokuthintana kuzwakala bonyana indaba ye-March and March ayifunwa esiFundeni seLimpopo. Nokho lokho akutjho bonyana abantu beLimpopo abayifuni, kodwana yindaba yabosopolotiki besiFundesi ngombana kunemitjhagalo eminengi khona ngesiFundenesi ebonakalako. Ezinye iindawo la kutjhagalwa khona esiFundeni seLimpopo kuse Elias Motshwaledi ehlangothini le-Groblersdal neendawo ezakhelene nayo neBochom namaplasi amanengi weLimpopo.

Iindawo ezingehla ezibalwako kunemitjhagalo eminengi, la kuthiwa amaphandle azifihle emaplasini njengombana aqhatjhwe emasimini nakwamanye amaplasi amanengi esiFundenesi. Umphakathi ungena emaplasini uqale amaphandle angenawo amaphepha wokuba seSewula Afrika. Kukhona indaba yepolotiki esiFundeni seLimpopo, kodwana indaba le ilahla abantu abanengi ngendlela izwakala ngayo begodu iyezwakala bonyana imamala.

Kunezwangobatjho ethi ihlangano ye-March and March izimisele ukuqotha amaTsonga namaVenda ngebanga lokobana babantu abanzima khulu nabafaniswa namaphandle avela e-Afrika. Kumabonwakude kwakhe kwavela abantu batjhagala bazibiza bonyana bamaTjhangana weSewula Afrika, yeke ke umrarwabo yihlangano yeMarch and March engabafuniko nebaninako. Kuyavela bonyana ngasuthi uNdunakulu uyinyefula ngalokho.

Kukhona nje ukutjharaganisa kwezinto ngabomu okudlalwa bosopolotiki, kube ngasuthi iMarch and March inina umhlobo othize wabantu. Ihlangano ye-March and March eMzimkhulwayo ithi izokuya esiFundeni seLimpopo iyokwenza umsebenzayo wokukhupha amaphandle angenamvumo yokuba seSewula Afrika. Indaba yomTsonga, mVenda, Mopedi bonyana ihlangano yeMarch and March iyabanina abanikazi beMarch and March bathi ayikho leyo.

////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 11

////////////////////////////////////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 12

Bathi Ngathana ISewula Afrika Inganinwa Ziintjhabatjhaba

Ziyanda iinsolo eziveza bonyana kukhona iinarha ze-Afrika ezithome ukunyonga nokunyefula inarha yeSewula Afrika. Iinarhezi kuthiwa zithi ngathana iintjhabatjhaba zingalimuka bonyana iSewula Afrika yinarha engathandi ezinye iinarha neminye iimhlobo yabantu. Indaba le, izwakale ngomkhulumi e-Ofisini kaMengameli weSewula Afrika uNomzana Vincent Magwenya.

Unomzana Magwenya bekatjela beendaba nakaveza indaba le. UNomzana Magwenya ukhuluma ngeembiko emamala eenkundleni zokuthintana malungana neSewula Afrika. Nakakhuluma nabeendaba uthi kuneenarha ze-Afrika eziluma iSewula iSewula ibonakale njengenarha embi nengakalungi, nengathandi abanye abantu.

Ngokuya kwaka Nomzana Magwenya iimbiko enjalo i-Ofisi kaMengameli Cyril Ramaphosa iyayihlaba ngombana ithuwelelisa iimbiko yamala,nokulahla isitjhaba soke. Akuvezako la umhlonitjhwa yindaba yokutjhagala ye-March and March, la amaSewula Afrika atjhagalela amaphandle angenamvumo yokubasenarheni, kungasindaba yokobana ayaninwa akafunwa.

ISewula Afrika mva nje ibonakale ngemitjhagalo yokukhupha amaphandle angenazo iimvumo zokuba khona enarheni. Iimtjhagalo ye-March and March isikinyise iinarha ezinengi ze-Afrika la abantu babo bangene eSewula Afrika ngaphandle kwemvumo. Kuvela bonyana iinarha ezinjalo ngizo esele zifaka ummoya wokufuna bonyana iintjhabatjhaba zinine iSewula Afrika njengenarha engathandimuntu nengafunimuntu.

I-Ofisi kaMengameli ngomlomo kaMagwenya ikubeke kwakhanya bha bonyana, inarha yeSewula Afrika ithanda woke umuntu, kodwana iimtjhagalo le ekhona enarheni imalungana namaphandle angenamvumo yokubasenarheni yeSewula Afrika. UNomzana Magwenya ubewenza nesibnelo la iSewula Afrika ivuselele isikhozi sayo nenarha ye-France, bonyana iphasi loke aliboni iSewula Afrika njengenarha esithabamzini.

Ngokuya kwakaNomzana Magwenya iimbiko emamala akukafaneli bonyana ilalelwe. “Eenyangeni ezimbili ezidlulileko sitjheje iimbiko ekhuluma iSewula Afrika kumbi, njengenarha engathandabantu nenina abantu” kutjho uNomzana Vincent Magwenya. Inarha yeGhana ngenye yezinye iinarha ekuthiwa zinommoyana endabeni le. INayijeriya yona nabantu bayo bezwakale eenkundleni zokuthintana bakhuluma ngokukhupha amabubulo weSewula Afrika asebenza eNayijeriya.

///////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuvelabahlinze 2026-ikhasi 13

Umkhiqizo kamma uNaHlalithwa ekhrosini KwaMhlanga

Mkhozi NgeLesibili Mhlaka 21 kuvelabahlinze 2026-ikhasi 14

Ukutlhogonyelwa Kwemvelo

Sikhathi Sokubabela

**Isithomve se-Weekly Farmers: Asitjhejeni nasibabelako singababeli butjhwilweni**

Ngaso lesikhathi somnyaka kutjho khona bonyana sekungiso isikhathi sokubabela. Lesi sikhathi la iindawo zamaplasi namkha emakhaya la ibhoduluko njengotjani isikghwa,amarharha kukhuluma khona bonyana utjani abutjhiswe buzokwazi ukutlhurha butjha bumile kuhle.

Lokhu kufaka phakathi namahlathi la kufanele kutjhiswe utjani bakhona. La ekubabeleni sitjhisa utjani bakade kuvele obutjha ngesikhathi sobusika. Nasenza njalo siyababela namkha igama eselisebenzisako ngelokubabela. Asibabeli butjhwileni, khulu khulu ngesikghweni ngombana kungadaleka ingozi. Ukubabela ngesikghweni nakanjani kufanele sitlhgomele iimbandana ezinjengeenyoni zona ezibekelako neziphandlusa amaqanda kuvele amadzinyani.

Kungenzakala bonyana umlilo ubhebhetheke utjhinge phambili nasibabela butjhwileni. Kula ke amadzinyani weenyoni namkha amaqanda kulengela engozini yokutjha. Ngesinye isikhathi nasibabela butjhwileni eduze nesikghwa esisendlelni, njengendlela ephakathi kweDanathoni neBhronghoro (R25)izele iinghozi begodu iseduze nesikghwa la kubonakele iingozi ezinengi khulu zibangwamlilo.

Omunye umlilo uyakghona ukubaleka weqele ngale kwendlela ulumathe ukuyaphambili, ukhambe bowutjhise iimakhiwo yabantu la bahlala khona. Kuqakathekile bonyana nasibabelako siyelele bonyana sibabela nini begodu sikhathi sini. Abanye nabababelako baphatha amatjhwaba benzela bonyana nange kungavuka umlilo bawubhule khonokho.

Kungabakuhle nange umuntu nakababelako angabiyedwa kodwana abenabanye abantu, lokho wenzela bonyana nange umlilo uvutha ubhebhetheka bakghone ukuwucima, ngombana nakayedwa ngekhe akghone ukuwucima. Kuqakathekile bonyana sibe nelwazi lokubabela singababeli nanyana njani. Abaziko bathi akubabelwa mnyaka woke, kodwana kuhlalwa iminyaka emihlanu ngaphambi kokubabela godu.

Isizathu sokuhlala iminyaka emihlanu kungebanga lokobana, ngesikhathi utjhisa utjani kunobunye utjani obumilako phakathi kobunye utjani. Ukubabela umnyaka nomnyaka lokho kuzokuphazamisa utjani obutjha obumilako nezinye iintjalo zemvelo. Ukuqakatheka kokubabela kuletha ukuphefumula okutjha ebhudulukweni nokuqaleka butjha kwebhoduluko.

////////////////////////////////////////////////////////////////////////////////////////////////////////////////////////

Mkhozi NgeLesibili Mhlaka 21 kuVelabahlinze 2026-ikhasi 15

…….Namba Skhambe…….

Amala Eenkundleni Zokuthintana

Njengombana iindaba ezinengi nelwazi elinengi sekutholakala eenkundleni zokuthintana nje, kunengi okumamala okuvela eenkundleni zokuthintana. Siyawabona amaphephandaba wakade lawa esiwathengako, amanengi wawo weqiniso sekaphela. Mancani amaphephandaba athengwako eentolo aseleko khathesi.

Amaphephandaba mthombo welwazi othembekileko nasiza eendani ezifundwako. Njengombana iphasi loke selithola ilwazi eenkundleni zokuthintana nje, namala nawo naka arhagele. Uyabona namhlanjesi eSewula Afrika abantu abadondi ukudosela phasi igama lomuntu ngokukhuluma amala ngomuntu. Abantu namhlanjesi abadondi ukwehlisa isithunzi somunye umuntu ngokukhuluma ngaye eenkundleni zokuthintana.

Okurarako yindaba yokobana sinoRhulumende nomNyango wezokuThintana neThungelelwano nobuChwephetjhe. UmNyango lo, kufanelele kibe ngiwo obeka iimbandela bonyana bantwana abangangani abangena eenkundleni zokuthintana, begodu kufanele kibemNyango lo namkha umBuso oza neqhinga lokobana abentwana baqala ini abaqali ini kibofunjwathako babo eenkundleni zokuthintana.

Enarheni yeSewula Afrika abentwana baqala namtjhana babukela nanyana yini abayifunako nabayithandako eenkundleni zokuthintana. Kukhona abahlekisa ngabanye abantu eenkundleni zokuthintana. Singatjho bonyana iinkundla zokuthintana zizele iindaba ezimamala begodu kuncani okuliqiniso.

Iindaba ezinengi eziku-inthanethi zimamala, kunalezo ezitholakala emakhasini angaziwako nemaphephandabeni anganamagama. Asibalekeleni ukukhuluma amala nokwehlisa abanye abantu isithunzi ngokukhuluma izinto ezingekho. Amala akafuneki, nokukhuluma izinto ezingekho ngabanye abantu. La kwaMkhozi asikhulumi ngomunye umuntu, nanyana ngezinto esingazaziko nobufakazi obungekho.

Asikhulumi indaba kabatjho ngeendaba ezimbi ezifaka abanye abantu phakathi. Indaba esiyikhulumako nesiyibikako siyayivikela. Nakhona akutjho bonyana njengombana iindaba zethu ziku-inthanethi lokho kutjho bonyana zimamala, awa. Thina ke la kwaMkhozi, siyajabajaba sakha igama lephephandaba uMkhozi kube liphephandaba elinesithunzi nelaziwako. Sizozakhela igama likaMkhozi khona ku-inthanethi, begodu asikhambi asiyindawo siyahlala la kusekhaya la, namba skhambe Mkhozi.

////////////////////////////////////////////////////////////////////////////////////////////////////////////////////////