MKHOZI

NgeLesibili Mhlaka 29 kuKhukhulamungu 2026

Umtloli wendaba ngu-V.S Gama

Mandela Village-Njengombana kusondela amakhetho waboRhulumende bemaKhaya ngomhlaka 4 kuNovemba 2026,kunjalo nje neenhlangano zepolotiki zibonakala zibhinca,zibhincela amakhetho la. Ezinye iinhlangano ngezibawa ukuthandazelwa ngombana kubonakala izinga lamakhethweli womnyaka lo liphezulu khulu.

NgeMandela eduze naKwaMhlanga ngoMgqibelo wezeke ephelileko  bekubanjwe umthandazo wembizo olijima lehlangano yoMkhonto Wesizwe Party ngeholweni yekulisa i-New Generation Creche. Kilembizo yomthandazo wejima le-MKP mbala abaFundisi bebakhona bazokuthandazela ihlangano le,bonyana ithumbe amakhetho begodu kubemakhetho atjhaphulukileko ngaphandle kwetjhada.

AbaFundisi bebangathandazeli kwaphela ihlangano le,kodwana bebathandazela namakhetho bonyana kube makhetho anokuthula ngaphandle kokuguruzela neenghonghoyilo.  Ihlangano yoMkhonto Wesizwe Party ingenele amakhetho kizo zoke iimFunda ezilithoba enarheni yeSewula Afrika,ukufaka hlangana iThembisile Hani Local Municipality.

AbaFundisi khenge bathandaze kwaphela,kodwana babawe nabantu abakhona ngaphakathi kweholo bonyana khese bavowudele ihlangano le ye-MKP, njengombana kubonakala umBuso lo sowudanise abantu abanengi abawuvowudelako. Kilo ijimeli lomthandazo wokubawela ihlangano le amavowudi bekukhona nabaqeda isizungu ngokunandisa amahlelo welanga.

“Umnqopho wejimeli lomthandazo wokubawela ihlangano le amavowudi,kuthandaza bonyana kube makhetho atjhaphulukileko la kunganapi khona kube nokuthula.  Okhunye sibawa bonyana abantu khese bavowudele ihlangano le ye-MKP njengombana badaniswe ngilehlangano  ephetheko emBusweni”, kutjho umfundisi u-V.S Gama. Abanye ababalwako bakaqeda isizungu ebebalapho hlangana kukhulunywa ngo; KP Lesedi Drama and Cultural Crew,Liyah Annels nabanye.

////////////////////////////////////////////////////////////////////////////////////////////////////////////////////////