ISekela LikaNgqongqotjhe uJomo Sibiya Ukhuthele Njengomuhlwa EmNyangwenakhe
Isithombe se-NEWS 24: ISekela likaNgqongqotjhe wezemiSebenzi nokuQhatjha umhlonitjhwa UJomo Sibiya ukhuthele njengomuhlwa emNyangwenakhe njengombana wehla wenyuka ufuna ukuthola amaphandle aqhatjhwe ngokungamthetho emabubulweni.
MKHOZI
Mkhozi Namba Skhambe NgoMgqibelo Mhlaka 1 KuRhoboyi 2026
UNgqongqotjhe wezemiSebenzi nokuQhatjha umhlonitjhwa uJomo Sibiya ukhuthele njengomuhlwa emNyangwenakhe njengombana ngaso soke isikhathi ukhamba nesiqhema sakhe bavakatjhele amabubulo ukuqala bonyana mbala amaphandle aqhatjhwe lapho anemvumo yokusebenza lapho.
Mva nje umhlonitjhwa uvakatjhela amabubulo amakhulu,nabafika lapho babhudule indawo yoke. Njenganje uSotobe selavakatjhele amabubulo amanengana ukuqala nje bonyana akhona amaphandle na?,nakakhona ukuqhatjhwa kwawo kusemthethweni na?.
Eendaweni avakatjhele kizo umhlonitjhwa kubonakele kufihlwa abanye abantu, namkha abanikazi bamabubulo bayatjelwa bonyana uNgqongqotjhe uyeza usendleleni. Nakunjalo ke,bafihle amaphandle aqhatjhwe ngokungamthetho. Njenganje zinengi iimFunda angakazivakatjheli umhlonitjhwa uSotobe ukuyokuqala amaphandle aqhatjhwe lapho ngaphandle komthetho.
Sekuvuleke iinkhala ezinengi khulu emabubulweni arhwebako eSewula Afrika solo kwakhamba incenye yamaphandle mhlaka 30 Juni 2026. Ezinye iinkhala ezibonakalako njengombana kukhambe abanye nje,kubonala ikoro yezokutjhayela kunye nezelimo. UNgqongqotjhe uBiyela uthi abaqhatjhi bamabubulo abanikele amaSewula Afrika ithuba. Akube maSewula Afrika ntangi.
“Nange kutholakala ibubulo namkha irhwebo liqhatjhe amaphandle angekho emthethweni,umnikazi werhwebo uzokuhlawuliswa imali enengi khulu begodu nokubotjhwa kukhona khonapho. Amabubulo akanyule ukuqhatjha amaSewula Afrika”,kutjho iSekela likaNgqongqotjhe uNomzana Jomo Biyela.
